- 97 -

1332. Juli 19. Liegnitz.

Herzog Boleslaus mit seinem Sohne Wenzeslaus beurkundet, dass die Bürger von Liegnitz frei abziehen und an andere Orte sich begeben dürfen, und weder an Person noch Out gehindert werden dürfen.

In nomine domini amen. Ad vniuersorum, tam presencium quam futurorum, noticiam huius scripti testimonio volumus deuenire, quod nos Boleslaus dei gracia dux Slesie et dominus Legniczensis, promittimus vna cum filio nostro Wenceslao data fide et sine dolo, fidelibus nostris ciuibus Legnicencibus, ipsos circa singula iura ad ipsam ciuitatem Legnicz spectancia, conseruare, que priuilegijs nostris patris nostri nostrorumque progenitorum, pie recordacionis valeant demonstrare. Promittimus eciam data fide et sine omni dolo, quod super omnibus caussis, inter nos ex parte vna et ciues nostros Legnicenses parte ex altera, per quemcunque modum ortis et caussatis, vsque in diem hodiernum et de omnibus controuersiis eis parcendo indulsimus, liberos et solutos dimittendo, ipsos et omnes, qui pro eisdem caussis suspecti fuerant, ad nostram graciam benigne et vultu gratuito resumentes. Insuper promittimus, data fide et sine omnis doli capcione, quod, si quis de nostris ciuibus Legnicensibus, volens racione mansionis, alias se transferre, caussa rocionabili criminis ante recessum non preuentus, talis per nos, nostros officiales, rebus et persona nullatenus debeat impediri. Addicimus eciam presentibus promittendo, data fide et sine dolo de cetero quam diu vixerimus, ad inconsueta subsidia nobis facienda, predictos nostros ciues Legnicenses nullatenus coartabimus requirendo et exigendo, nec peticiones insolitas ipsis debeamus irrogare. In cujus rei testimonium presentibus nostrum sigillum est appensum. Actum Legnicz dominica ante festum Marie Magdelene, anno domini, M°CCC tricesimo secundo, presentibus nostris fidelibus militibus Stephano de Parschowicz, Vincencio de Schiltberg, Gnemiro de Staschow, Alberto Abscacz, Peczone de Nustericz, Jescone Busewy, Jescone de Berndorf, Gawino Abscacz, Alberto Bauaro, Nicolao de Schiltberg, Franzcone Busewy et Gerlaco nostre curie notario, qui presencia habuit in commisso.

O. d. St. L. No. 40. Das vorige Siegel an rother und violetter Seide. — Bitschens Privilegb. f. CXCIIb. — Altes Privilegb. p. 11. — Auch erhalten als Vidimus des Rothes von Jauer; datum Jawor tricesima die mensis Junij; anno 1557. — O. d. St. L. No. 40a.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866